Kichegerabbels (Relaxed Performances)

25
Mar
2026
10h & 14h

Trifolion - Echternach

Musikalesch Erzielung mat Kammermusek a Bräiläffel (Narration in Luxembourgish ; Duration : 50min)

Nu kuck, an opeemol ass d’Kichegeschier lieweg ginn!

Tëscht gefëllte Croissanten a geblimmelten Téitasen schwieft e klengt Zockerdëppechen duerch eng fantastesch Welt: Nossknacker, déi danzen, Jhellis-Téikäpp, déi am

Däischtere liichten…et dämpt an dréint a rabbelt a réiert. An dann ass do nach deen toxkäppegen Deckel, deen net esou richteg bei säin Dëppche wëllt passen…..

“Kichegerabbels” verbënnt d’Wierk La Revue de Cuisine vum Bohuslav Martinů mat Objetstheater an Erzielung an erzielt op spilleresch a visuell Aart a Weis, wéi d’Kiche kann zur Bün ginn.

Musek, Beweegung a Sprooch fléissen aneneen an erméiglechen eis e ganz neie Bléck op Géigestänn, déi mir all Dag benotzen ouni all ze vill iwwert se nozedenken.

kammerata-2025-kichegerabbels — (c) Bohumil Kostohryz

“Relaxed Performance” : Wat ass dat ?

Eng Relaxed Performance riicht sech un e Publikum, dee vun enger inklusiver an entspaanter Atmosphär ronderem a wärend engem Bünespektakel profitéiert, besonneg u Mënschen mat spezifesche Besoin’en, zum Beispill mat enger kierperlecher oder kognitiver Behënnerung, mat Konzentratiounsschwieregkeeten, Angschtstéierungen oder och chronescher Péng. De Begrëff dréckt aus, dass all eenzelne Mënsch am Theater -oder Kulturraum Wëllkomm ass, ouni iwwert séng perséinlech Grenze mussen eraus ze goen. De Begrëff gëtt ausserdem och fir Virstellunge fir ganz kleng Kanner an hier Eltere benotzt.

Zu de Méiglechkeete vun enger Relaxed Performance kënnen e.a. gehéieren: méi Beweegungs- an Expressiounsfräiheet, en adaptéiert Toun- a Beliichtungskonzept, eng individuell Betreiung virun a wärend der Virstellung, Réckzuchs-Uerter an eng detailléiert Informatioun am Viraus.

Program

BOHUSLAV MARTINU – La Revue de Cuisine, H. 161
clarinet, bassoon, trompette, violin, cello and piano.

Musicians & Artists

Kopla Bunz:

Ela Baumann, Regie

Betsy Dentzer, Erzielung an Objetsmanipulatioun

Krischan Kriesten, Luuchtendesign

Valentina Becker, Make-up Artist

Marko Mladenovic, Accessoires

Piera Jovic, Regieassistenz

Laetitia Lang, Theaterpedagogik

Audrey Dero, Bléck vu baussen

Kammerata Luxembourg:
Sandrine Cantoreggi, Gei
Tom Feltgen, Cello
Stefan Kronthaler, Klarinett
Pierrick Demoisy, Fagott
Jeff Mack, Trompett
Béatrice Rauchs, Piano

Information and Tickets :

www.trifolion.lu
tél : +352 26 72 39-500

In coproduction with :

With the support of :

Logo ministere de la culture lux